اہل بیت (ع) نیوز ایجنسی ـ ابنا ـ کی رپورٹ کے مطابق عراق کی حزب اللہ کے سکریٹری جنرل شیخ عباس محمداوی نے آج اپنے ایک بیان میں عراق میں ہونے والی جھڑپوں میں داعش گروہ ناتوانی کی طرف اشارہ کرتے ہوئے کہا کہ امریکہ کے ذرائع ابلاغ دہشتگرد گروہ داعش کو بڑھا چڑھا کر پیش کررہے ہیں تاکہ اس دہشتگرد گروہ کے حوالے سے علاقے کے عوام میں رعب و وحشت پیدا ہو۔ محمداوی نے کہا کہ امریکہ علاقے کے قدرتی ذرائع پر تسلط کا خواہاں ہے اس لئے عراق اور شام میں دہشتگرد گروہ داعش کے ذریعے بحران کھڑا کرنے کے درپے ہے اور امریکہ مشرق وسطی کے علاقے میں غاصب صہیونی حکومت کو مضبوط کرنے کے لئے منصوبہ بندی کررہا ہے۔ حزب اللہ عراق سیکرٹری جنرل نے کہ عراق کی سرزمین سے داعش کے عناصر کا اخراج، بغداد حکومت کی ترجیحات میں شامل ہے۔
.......
169
